ઇનામ

ઇનામ

મેઘા જલ્દી જલ્દીથી મેક-અપ કરીને લીવીંગ રૂમમાં આવી. એની મમ્મી હજી પણ કિચનમાં જ હતી. મેઘાએ બૂમ પાડી કે તે દોડતી આવી.
“ અરે આજે તો તું કહેતી કે તારે એક ડાન્સ કોપિટિશનમાં ભાગ લેવાનો છે; તો એના માટે જવાની છે. ”
“ હા મોમ, એટલે આજે મેકઅપ કર્યો; વધારે પડતો નથી લાગતો ને ? ”
“ તારે ક્યાં મેક-અપની જરૂર છે ! એમ પણ તું સુંદર પરી જેવી દેખાય છે ” એક મીઠી પપ્પી લેતા એની મમ્મી બોલી.
“ દરેક માં ને પોતાની દીકરી પરી જેવી જ લાગે ”
“ ઠીક છે ઉભી રહે, હું તને 2000 રૂપિયા આપું છું. આજે જ ભરી દે. ”
“ સ્યોર મોમ ”
થોડી વારમાં એની મોમ પૈસા લઈને આવી અને મેઘાના હાથમાં રૂપિયા આપતા બોલી “ મને તારા પર ટ્રસ્ટ છે કે ડાન્સ કોમ્પિટિશનનું ઇનામ તો તુંજ લાવીશ. ”
“ મોમ, એવું નથી, હું માનું કે હું સારી ડાન્સર છું પણ, કેટલા બધાં લોકો હશે ! ”
“ જા હવે મોડું ના કર, તારી ફ્રેન્ડ પણ આવવાની છે ને જોડે ? ”
હા કહીને મેઘા ઘર બહાર નીકળી. ઘડિયાલમાં જોયું તો હજી દશ વાગીને ત્રીસ મિનિટ જ થઇ હતી.
પોતાની ખાસ ફ્રેન્ડ, દિપાલી પણ પોતાની સાથે આવવાની હતી. એ પણ સારી ડાન્સર હતી, પણ આર્થિક સંકડામણને લઇ તેણે પોતાની ઈચ્છાને દિલમાંજ ધરબી દીધેલી. પોતાની ખાસ ફ્રેન્ડ, મેઘાને થયું કે આજે તો પોતે પોતાના કામ માટે જઈ રહી છે જયારે દિપાલી તો એની સાથે આવવાની હતી. તો શા માટે પોતે રીક્ષા હાયર કરીને એના ઘરે પહોંચી જાય. ત્યાંથી બંને જોડે જ રોટરી ક્લ્બમાં જઈ શકે !
આમ મનોમન બોલતાં મેઘાએ એક ખાલી આવતી રિક્ષાને રોકીને અંદર બેઠી. રીક્ષા વાળાએ તો પોતાની ધૂનમાં રિક્ષાને સડક પર વહેતી કરી. થોડી વાર બાદ મેઘાને લાગ્યું કે, એક વાર દિપાલીને ફોન કરીને કહી દે તો વધુ સારું ! તેણે ફોન જોડ્યો તો દિપાલી ઘરે નહોતી.
“ રિક્ષાવાળા ભાઈ, સોરી આપણે દિશા બદલવી પડશે ”
“ કેમ મેડમ ? કોઈ તમારી ફ્રેન્ડ દિશા…? ”
“ ઓહ…એક કામ કરો, કિરણ હોસ્પિટલ લઇ લો ”
“ ઠીક છે ” કહીને રિક્ષાવાળાએ યુ ટર્ન લીધો.
રસ્તો કાપતી રીક્ષા કિરણ હોસ્પિટલના ગેટ પાસે આવીને ઉભી રહી. પૈસા આપીને મેઘા એ જઈને રિસેપશનમાં પૂછપરછ કરી. રૂમ નંબર જાણીને એ સીધી ત્યાંજ દોડી ગઈ. જુએ તો દિપાલીની મમ્મી બેડ પર સુતેલી છે અને ગ્લોકોઝની બોટલ ચડી રહી છે.
“ શું થયું દિપાલી ? ” એની એકદમ નજીક બેસીને મેઘાએ પૂછ્યું. “ ચિંતા ના કર હવે સારું થઇ જશે મમ્મીને ”
“ પણ શું થયું એ કહીશ કે ? ” મેઘાના ચહેરા પર ચિંતાના ભાવો તરી ઉઠ્યા.
“ એકદમ જ એમના પેટમાં દુખાવો થવા લાગ્યો, હોસ્પિટલ લઇ આવ્યા તો ખબર પડી કે, મમ્મીને અલ્સર છે. તાબડતોડ એક સ્મોલ ઓપરેશન કરવું પડ્યું. પણ થેન્ક્સ ટુ ગોડ; અલ્સરની અસર બહુ ફેલાયેલી નહોતી ”
“ આર યુ સ્યોર, આન્ટીની હેલ્થ ઓકે છે ? નહિ તો મારા ડેડીને ઘણા ડોકટરો જોડે સારા રિલેશન છે ”
“ વેરી સ્યોર ડિયર મેઘા, પણ આ ડીસીજ ક્યાં કોઈ ડોક્ટરોની શરમ રાખે છે. સોરી યાર હું તારી સાથે રોટરી ક્લ્બમાં નહિ આવી શકું. ”
“ એમાં સોરી કહીને આપણી ફ્રેન્ડશીપને પીડવ નહિ. પણ જા હું તારાથી નારાજ છું ! ” વાતને પલટાવતાં મેઘાએ રિષ ભર્યો બનાવટી ચહેરો દિપાલી સામે ધર્યો.
“ ઓયે….બહુ નાટક નહિ…જો અત્યારે મોમ બીમાર છે; પછી બધું હોં ? ”
“ હું પણ એજ કહું છું કે, આંટીને આટલી બધી તકલીફ થઇ તો મને જાણ કેમ ના કરી ? ”
“ સોરી બાબા પણ જો, રાતના દશ વાગ્યે અમે ઘરેથી આવેલા. મમ્મીનો દુખાવો એટલો અસહ્ય હતો કે, હું તો હિમ્મત હારી ગયેલી પણ બાજુવાળા અંકલ દોડીને આવી ગયેલા. હું તો ખુદ ના પણ હોશ હવાસ ખોઈ બેઠેલી તો તને કેમ કરીને કોલ કરું બોલ ? ” બોલતાં બોલતાં દિપાલી રડવા લાગી.
“ ડિયર દીપુ….. ” મેઘાએ એના આંસુ લૂછીને પોતાના આલિંગનમાં લઈ લીધી.
દિપાલી એ જોયું કે હજી પણ એના મમ્મી ભાનમાં આવ્યા નહોતા. કદાચ દવાની અસરે સુતા હશે. એકવાર તો દિપાલી અને મેઘા બંને ડોક્ટરને પણ મળી આવ્યા. ડોકટરે પણ બેઉનાં મનને રિલેક્ષ કર્યા. દિપાલીની મમ્મીની સર્જરી એકદમ સફળ રહી હતી અને કોઈ પણ જાતનો ડર રાખવાની પણ જરૂર નહોતી.
એક બે કલાક દિપાલી સાથે રહીને મેઘા પોતાના ઘરે જવા માટે ઉભી થઇ. એકવાર તેણે દિપાલીની મમ્મી સામે જોયું. એમની લાચાર નજરમાં ગરીબી ટપકતી માલુમ પડી. નિરાશા અને અફસોસના વાદળો આમતેમ જતા દેખાયાં. એ બધાંમાં પેલી સર્જરીની પીડા બિચારી કેમ કરીને પોતાનું માથું ઊંચકે ! રૂમના દરવાજા સુધી દિપાલી એની સાથે આવી.
“ દિપાલી, તારે મૂંઝાવાની કોઈ જરૂર નથી. કોઈ પણ કામ હોય તો મને કહેજે. ” આશ્વાશનના બે શબ્દો કહ્યા અને હૂંફ ભરી એક નજર ! ધીમેથી તેણે દિપાલીના હાથમાં 2000 રૂપિયા આપ્યા. દિપાલીએ એની સામે જોયું કે મેઘાએ એની આંખોમાં એક નિર્દોષ ફરિયાદ દેખાણી. મેઘાએ તેના બેય હાથને એક ઉષ્મા ભરી હૂંફ આપી. પછી તો ખાલી બેયની આંખોએ જ વાત કરી.
કેલેન્ડરનું પાનું બદલાઈ ગયું છે. બધા રાબેતા મુજબ પોત પોતાના કામમાં મશગુલ છે. એવામાં મેઘાની મમ્મીને રોટરી ક્લબની ડાન્સ કોમ્પિટિશન વાળું યાદ આવી ગયું.
“ બેટા મેઘા, તારી ડાન્સ કોમ્પિટિશન ક્યારે છે ? મને તારો ડાન્સ જોવા લઇ જજે; ખુબ ઈચ્છા છે. ”
“ એ તો થઇ ગયો….. ” એ આગળ બોલતી અટકી ગઈ કારણ કે રૂમમાં દિપાલીની એન્ટ્રી થઇ.
“ ક્યારે ? મને કહેવાય પણ નહિ ? હું તો ખુબ જ એકસાઇટેડ છું. અને મને ખાતરી છે કે ડાન્સનું ઇનામ તને જ મળે ! ”
“ સોરી મોમ….ચાલ દિપાલી આપણે રૂમમાં જઈએ ” તેનો હાથ પકડીને મેઘા ચાલવા લાગી.
દિપાલીએ એને આગળ જવા માટે રોકી. “ એક મિનિટ ડિયર, આંટી એક પ્રોમિસ આપો તો મારે તમને કશુંક કહેવું છે ”
“ દિપાલી.ઈ.ઈ…. ”
“ કહે બેટા શું વાત છે ? તું તો મારી બીજી દીકરી સમાન જ છે ”
“ પ્લીઝ આંટી તમે મેઘા પર ગુસ્સે ના થતાં ”
“અરે બાબા, હું મારા પર પણ ગુસ્સે નહિ થાવ બસ ” દિપાલીનો હાથ દબાવતાં તેઓ બોલ્યા. દિપાલીને એમની આંખોમાં એક મણની હૂંફનો આફરો દેખાયો. તેના હૈયે થોડી ટાઢક વળી. અને જેની અસર જીભમાં આવી ગજબની સ્ફૂર્તિ.
“ દિપાલીએ ડાન્સ કોમ્પિટિશનમાં ભાગ નથી લીધો….. ” હજી તો એ આગળ બોલવા જતી હતી કે એના ડેડી અને ભાઈ પણ ઘરમાં પ્રવેશ્યા.
“ શું ?? ”  એકદમ ઊંચા અવાજે બોલ્યા પછી ફરી તેટલા જ શાંતિથી આગળ પૂછ્યું. “ કેમ બેટા શું થયું ? ”
મમ્મીએ આજે ઘણા સમય પછી થોડા કરડાકી ભર્યા સ્વરે કહ્યું એટલે મેઘા તો થર થર ધ્રુજવા લાગી. એ જોઈને દિપાલી પણ ડરી ગઈ…અને અધૂરામાં પૂરું એના ડેડી આવી ગયા. એ બોલતા તો બોલી ગઈ…પણ મનમાં અફસોસ પણ થયો. એને લાગ્યું કે મેઘાએ પોતાને જે 2000 રૂપિયા આપેલા તે ઘરે કોઈને નથી કહ્યું. ડાન્સ કોપિટિશનની વાત તો એને પણ ખબર નહોતી. પણ જેવા એના મમ્મી એને પૂછવા લાગ્યા કે એને બધો અંદાઝ આવવા લાગ્યો.
મેઘાએ એક નજર એના ડેડી સામે કરી….આજ સુધી તે કદી મોમ કે ડેડી સામે જુઠ્ઠું નથી બોલી. આજે પહેલી વાર જુઠ્ઠું બોલવાની ફરજ પડે તેવી પરિસ્થતિનું નિર્માણ થઇ ગયું. નજરોને જમીનમાં દબાવવા માટે કાર્યરત બની ગઈ.
રૂમમાં એકદમ શાંતિ છવાઈ ગઈ. તેના ડેડીએ બધા સામે વારાફરતી જોયું. પોતાની પત્ની સિવાયના બધા અસ્વસ્થ માલુમ પડયા.
“ અરે કેમ બધા ચૂપ થઇ ગયા ? ક્યાંય મને મૂકીને જવાનો પ્લાન તો નથી ઘડતા ! ”
દિપાલીએ હતી એટલી બધી હિમ્મત એકઠી કરી અને બોલવા જતી હતી કે મેઘાએ એને ચૂપ રહેવા કહ્યું.
“ ડેડી, મમ્મી…હું તમારી અપરાધી છું. મેં એક બહુ મોટું જૂઠ તમારાથી છુપાવી રાખ્યું છે….મને માફ કરો ” એટલું બોલતા બોલતા તો મેઘા એકદમ રડમશ બની ગઈ. એની મમ્મીને લાગ્યું કે એક મિનિટ જો પોતે ચુકશે તો એની વ્હાલી દીકરીની આંખમાંથી એક એક લાખના મોતી વેરાવા લાગશે.
ઝડપથી તે મેઘા પાસે ગયા અને એના માથા પર હાથ મૂકીને વ્હાલથી પૂછ્યું.
“ મને તારા પર એટલો ટ્રસ્ટ છે કે તું કદી કોઈ જૂઠ કરીજ ના શકે ”
“ હા મોમ અમને પણ એના પર ટ્રસ્ટ છે ” એનો ભાઈ પણ બોલી ઉઠ્યો.
“ ડાન્સ કોઈમ્પિટિશન માટે આપેલા 2000 રૂપિયા મેં દિપાલીને આપી દીધા હતા. અને મેં કોમ્પિટિશનમાં ભાગ જ નથી લીધો.સોરી મેં તમને બેઉને ડિસેપોઇન્ટ કર્યા છે.” કહીને તે મોમને વળગી પડી.
“ કોણે કહ્યું અમે ડિસેપોઇન્ટ થયા ? અરે આજે તો તેં મારું મસ્તક ફક્રથી ઊંચું કરી દીધું. ”
“ હા બેટા…આ પળે અમને ખુશી મળી છે તે કદાચ, તું ઇનામ લાવી હોત ને; તો પણ ઓછી પડત ”
આ સાંભળીને મેઘા તો ઝરણું નદીમાં મળે તેમ માઁને વળગી પડી.

About RSM

A freelance writer and film maker. Loves to travel across the world is dream of life ! Playing sport is another way of life :) સર્વે પ્યારા વાચકો ને મારા નમસ્કાર !!
This entry was posted in નવલિકા. Bookmark the permalink.

4 Responses to ઇનામ

  1. પિંગબેક: ઇનામ – RKD-रंग कसुंबल डायरो

  2. Anna Waldherr કહે છે:

    I am sorry, but Google was unable to translate this for me. Thank you for visiting my website. I wish you well.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s