અમરતનો વીરડો (ટૂંકી વાર્તા)

અમરતનો વીરડો (ટૂંકી વાર્તા)

માંની આંખમાંથી દડ દડ પડતા આંસુની ધાર સામે જોઈને ઘરની દીવાલો પણ સળગતી મીણબત્તીની જેમ પીગળવા લાગી. ઘરનો ખૂણો પણ આજે પોતાને અભાગીયો માનવા લાગ્યો, કે આજે એક અનાથ અબળાના આંસુ જોવાનો વારો આવ્યો! આંસુમાં નહોતી મમતા, કે નહોતી એમાં વ્હાલની વાછટ ! રૂમમાં કોઈના પગલાંની આહટ આવતી સંભળાઈ કે આંસુઓનો વેગ અટકી ગયો. માં આંસુ લૂછીને આગંતુક એવા પોતાના પુત્રની આગળ થઇ ગઈ.

ચાલો બેટા, આપણે જવાનો સમય થઇ ગયો છે ને ? ”

મમ્મી મને સમજવાની કોશિશ કરજે

તને સમજુ છું એટલે તો તારી સાથે જવા તૈયાર થઇ ગઈ છું

માથું હલાવીને પુત્રએ માંની બેગને કારમાં મૂકી દીધી. કારને વૃદ્ધાશ્રમની દિશામાં હંકારી દીધી. અચાનક એની નજર અરીસામાંથી માંની આંખોમાં પડી. કોઈને ખબર ના પડે રીતે બે આંસુ માંના ગાલ પરથી સરકીને નીચે પડ્યા.

મમ્મી ? ”

હા, તું પાંચેક વર્ષનો હતો તે વાત યાદ આવી ગઈ. આપણે બેઉ એકવાર રણમાં રેતીના ઢગલાઓ વચ્ચે ફસાઈ ગયેલા. તને એટલી તરસ લાગેલી કે તું રડતો રહેલો. હું અભાગણી તે દિવસે અસહાય બની ગઈ; તને ખોળામાં લઇને છાનો રાખવા અછોવાના કર્યા પણ તારુઁ રડવાનું ચાલુજ હતું. આથી હું પણ રડવા લાગેલી ને મારી આંખમાંથી ત્રણ ચાર આંસુડાં તારા મોઢામાં પડ્યા કે તું ચૂપ થઇ ગયો. પછી તો મન મૂકીને એટલું રડી કે મારુ એક એક આંસુનું બિન્દુ તારા મોઢામાં પાડ્યું અને તને હેમ ખેમ ઘરે પોચતો કરેલો…. ”

બસ મમ્મી, હવે જો હું કાર ને એક ફૂટ પણ આગળ લઇ જવ તો મને નર્કમાં પણ જગ્યા નહિ મળે પુત્રએ કારને વાળી લીધી

આજે ફરી માંની આંખોમાંથી અમરતનો વીરડો ફૂટ્યો!

 

About RSM

A freelance writer and film maker. Loves to travel across the world is dream of life ! Playing sport is another way of life :) સર્વે પ્યારા વાચકો ને મારા નમસ્કાર !!
This entry was posted in નવલિકા. Bookmark the permalink.

2 Responses to અમરતનો વીરડો (ટૂંકી વાર્તા)

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s